Университет басшылығымен кездесу өтті
«Экономика және құқық» факультетінің 1-4 курс студенттерімен онлайн кездесу кестесіне сәйкес 2020 жылдың қараша айының 10-да университет басшылығының 1 курс студенттерімен кездесу өтті. Кездесуге қатысқандар әлеуметтік мәселелер және тәрбие жұмысы жөніндегі проректор Бердыбаев Н.М., факультет деканы, декан орынбасарлары, кафедра меңгерушілері және топ кураторлары қатысты.
Кездесудің мақсаты – оқу үрдісінде туындаған мәселелерді талқылау, студенттер мен университет басшылығының арасындағы қарым-қатынастың ашықтығын және қол жетімділігін қамтамасыз ету, пікір алмасу.
Кездесу барысында университет проректоры Бердыбаев Н.М. 2020-2021 оқу жылында төлемақысы бойынша берілген жеңілдіктер туралы, студенттердің жатаханамен қамтамасыз етілуі туралы мәлімдеді.